روتـيـنـي في الأستـحـمـام لأطفالي .,

السلام عليكم ورحمة الله و بركاته .. 

اليوم فكرت في موضوع أفيدكم فيه وخاصة الأمهات الجدد ..

هذه خبرتي في ولدي (7 سنوات) و بنتي (6 اشهر) وطبعا الوالده لهادور كبير في هالموضوع ..

اول ما ولدت بولدي طبعا بكر ما افهم شي وكنت والده بعمليه قيصريه فكانت أمي الله يطول بعمرها هي اللي تسوي الشاور لصالح 

طبعا اول مولود لي شريت السوق حتى اللي ماله فايده ..

المهم نبدأ .. 

روتيني يبدأ بتجهيز كل شي احتاجه .. الشامبو و غسول الجسم و البودره و البيبي اويل واللوشن .. الفوطه و اللبس ويكون اللبس ثقيل يعني بجامه كامله مع القبعه والملف و الحفاظه والرضاعه وهم صغار اذا ما رضعوا قبل الشاور لأن أكيييد راح يطلبونها بعده.. 

أجهز المويه تكون معتدله تناسب الطفل طبعا ..

انا استخدم الأسفنجه في البانيو تساعد كثييير موجوده بمذركير

واستخدم هذا الشيء مرره مفيد 

لازم تنتبهين لنفسك وتكونين هادئه حتى لو يبكون لانك في مكان فيه مويه وراح تشيلينهم فانتبهي واهدأي عشان ما تنضرون من المويه لاقدر الله تتطيحين وانتي معاك بيبي ..

استخدم اسفنجه لجسمهم لانهم صغار وبشرتهم حساسه اخذها من التميمي او ممكن هذه من مذركير 

بعد ما كبروا شويه يعني يصير عمرهم تقريبا 10 اشهر صرت استخدم هالكرسي مررره رهييييب يساعد بشكل كبير 

وبعدها بعد استخدمت 

اخذته من مذر كير كان ولدي صار يحب يلعب واجيب له العاب ويجلس يلعب فيهم جداا أستفدت منه ... 

نصيحه لاتشترون هالحديده مررة ماتنفع تخوف صراحه اشتريتها على الفاضي 

و طبعا تتطلعين البيبي في غرفه مافيها تكييف وتتبدأين تستخدمين البيبي اويل واللوشن والبودره وتلبسينه ..

بالنسبه لي ابدا ما أحبذ عطورات الأطفال كثير يستخدمونها .. بالنسبه لي يكفي ريحة نظافتهم لحالها تجيب السعاده .. 

العطور أخاف على صدورهم منها .. عندنا الربو منتشر في العائله فأتجنبها للإحتياط .. 

أحيانا طبعا تظطرني الظروف استخدم بدائل مثلا مرات سبحت ولدي في مغسلة اليد وبدل الأسفنجه حطيت فوطه تحته وصفطتها تحت راسه اكثر ,,

وبكذا اكون انتهيت وشاركتكم روتيني ,, ان شاء الله أكون أفدت اي أحد واذا عندكم اظافه أفيدوني ..

و بسلامتكم ...