عنايتي ببشرتي وروتيني .. (غسول و كريمات و سكربز )

السلام عليكم ورحمة الله وبركاته ❤ 

غيرنا .. عالمره عن الأم .. شوية منتجات البشرة استخدمتها باتكلم عنها اليوم .. ❤ 

اهتمامي باولادي مايمنع ان اهتم بنفسي انا بعد في وقتي الخاص .. تصير الام مرتاحه من نفسها وراضية عليها ينعكس على بيتها وعلى كل جوانب حياتها .. احاول قد ما اقدر يصير لي اهتماماتي و وقتي الخاص .. لاني جربت من قبل لما احط نفسي اخر شي و ممكن حتى مالها مكان .. كيف تقلب نفسيتي واهمل نفسي .. الوضع كان جدا جدا سيء .. 

بس الحمدلله تداركت الوضع و غيرت اشياء كثير .. ❤ 

والحين نبدأ بتجاربي في افضل المنجات اللي مجربتها ومازلت امشي عليها ..

اولا غسول الوجه من بابوديرما خفيف وناسب بشرتي .. (بشرتي مختلطه وحساسه ) 

مع جهاز كلاريسونيك ميا 2 جهاز جدا حلو ومع الانتظام باستخدامه انا استخدمه مرتين الى ثلاث مرات بالاسبوع يصغر المسامات .. 

بعدها امسح باسكينول الليمون وجربت تونيك كلنيك و تونيك كلارينس تقريبا نفس النتيجه بس كلينيك اقوى شوي وكان قوي على بشرتي ..  

غسول كلارينس افضل غسول جربته لبشرتي .. لما خلص اضطريت اخذ غيره ومره وحده تجربه فاخترت بايو ديرما .. حلو وبارجع اخذ كلارينس ان شاء الله .. ❤

بعد التنظيف احط كريم كيو في QV افضل كريم وفيه العلبه اقدر استخدمها بس لقيت من عندهم كريمات خاصه للوجه وللشفايف واخترت استخدم كريم النهار لان فيه حمايه .. وخفيف على البشره  .. 

استخدمه كثير حتى لاولادي .. عندي اكزيما تهيجها الكريمات اللي فيها عطور .. وهذا افضل كريم للان .. ❤ 

هذه الصورة اللي فوق كريم لليدين والأظافر من كلارينس مره احبه ودائما في شنطتي .. الصراحه ماشفته سوا شي لأظافري لانها اصلا كويسه تتكسر طبيعي .. ترطيبه مره حلووو عندهم واحد ثاني فيه حمايه من الشمس ماحبيته كثير سائل كثير .. يقولون يفتح اليد انا استخدمته عادي وامي استخدمته اعجبها ترطيبه .. 

هذااا ❤ الادمان الجديد من لش LUSH ❤ 

حبيييييته واستخدمه ليديني و لوجهي ولجسمي تقشيره وسط ومعاه زيت يعني تقشرين وترطبين بنفس الوقت مقشر من املاح البحر rub rub ❤ استخدامه مرتين بالاسبوع حتى ماينشف البشره وماتحتاجين ترطبين بعده. 

اللي جنبه كريم بالليمون حسيته حلو مالي كثير استخدمه يمكن 3 اسابيع لاحظته يوحد لون البشره ويرطب .. 

هذه المقشرات بعد اعدها من افضل المقشرات خاصه القديم نايتشرز باونتي اللي من سوب اند قلوري هو اخف واحد فيهم صراحه ما افكر اشتريه مره ثانيه بس ريحته مره رايقه .. 

مقشر كلين اند كلير مصورته ترا مخلص .. ❤ حبيته لوجهي مكتوب عليه يومي .. من تجربتي لا مايصلح يومي يمكن كل 3 ايام مره .. ❤ 

الفرشه هذه حلوة وقت التقشير خاصه للساق خذتها من بودي شوب .. ❤ 

وسلامتكم ❤ 

ان شاء الله أكون افدتكم واتمنى تفيدونني وتتفاعلون معي بتجاربكم .. ❤