بداية تقديم الأكل لبنتي باستخدام جهاز الطبخ بالبخار والخلاط افنت AVENT

السلام عليكم و رحمة الله وبركاته ..

قبل فتره اخذت آلة خلاط افنت من فليبس للأطفال .. يطبخ الخضار بالبخار و خلاط بنفس الوقت .. 

صراحه الجهاز بطل مرره رهيييب .. 

جربته هالأسبوع والحين اعطيكم بالتفصيل كيف استخدامه وطريقة تقديم الأكل لبنتي أرو .. 

اول ما بدأت رحت مذر كير اخذت شوية أغراض للأكل ومن بينها خلاط افنت اخذته بـ 470 ريال كان وقت تخفيضات .. 

اول ما بدأت بالبطاطس الحلوة و الجزر مع بعض .. 

حطيتها بالة الطبخ بالبخار افنت وطبعا كلنا نعرف ان الطبخ بالبخار يحافظ على المواد الغذائيه اكثر من السلق ..

1 - وضع الطبخ بالبخار ..

2- بعد الخلط .. لاحظو قلبنا الخلاط عشان نخلط ..
مثل كذا

النتيجه :

مره حلوة وسريعه ما اخذت معي يمكن 10 د او ربع ساعه .. عمليه جداا .. وطبعا مفيده .. 

بنتي طبعا كأول وجبه كانت شويه متقبله وغير متقبله .. وكثير يطلع الأكل بس لأن حركة اللسان تعودت على الرضاعه بس الحمدلله الحين اسبوع من بدأنا بدت شويه تعرف تحرك الاكل لداخل الفم .. 

انا ربة منزل ما اشتغل فطبعا الأفضل انا اطبخ لها اكلها من يدي .. و ممكن اسوي كميات وافرزنها .. هذه بعد وجبة خضار نفس اللي فوق بس سويت رز مسلوق وخلطتة مع الخضار .. وسويت بعد تفاح بالبخار .. استخدمت طبعا جهاز افنت ..

طبعا باقي فيه كثير خضار واللحوم والفواكه للان ما دخلتها في نظام بنتي لان مالنا الا اسبوع فقط .. 

يجي مع الجهاز سباتشولا وكاس للمعيار و كتيب للطبخات مره حلو .. 

فيه طريقه مررره حلوة تسوون كمية خضار وتحطونها بقوالب الثلج و بعدين تجمعونها باكياس نايلون  وتخلونها بالفريزر لوقت الاستخدام ..

انا من محبين منتجات شركة افنت استخدم اغراضهم كثير رضاعات و مصاصات ومعقم والحين هالجهاز مررره هالشركه مبتكرة و احسهم ينتبهون لمتطلبات الأطفال صح .. 

وانتهينا لليوم ان شاء الله لبوست ثاني واتمنى اكون افدتكم .. شاركوني اراءكم وطرقكم في الأكل لأطفالكم ..