تفاصيل تخريم أذون بنتي ..

السلام عليكم عزيزاتي ...

اهلااا فيكم جميعااا ..

هذا اول بوست احطه ابدأ فيه مواضيعي معاكم بالمدونه .. 

صرااحه احترت ما عرفت البداية ايش لازم تكون .. ففكرت في هالبوست اتكلم معاكم عن خرم الأذن عن البنوتات بشكل عام ..

موضوع خفيف وحلو .. بدايه خفيفه 

عني وعن بنتي .. اول شي باعطيكم معلومه بنتي مولودة سبعه اشهر .. ياعمري عليها جات مستعجله على الدنيا ... 

جلست بالمستشفى بالحضانه شهر .. وأول ماطلعت كان عندها موعد بعد اسبوع .. اخذتها وخرمت اذنها طبعا بعد ماشافتها دكتورتها وسمحت لي ان وضعها عادي .. 

يااعمري عورت قلبي كان تبكي بقووة .. امي قالت لي لو تدري كان علمتني ان اقل شي امسك مكان التخريم واضغط عليه وافك واضغط وافك فهمتوا علي .. يعني شوي ممكن يخفف عليها الالم .. 

رجعت البيت صرت امسح مكان الخرم مرتين باليوم بمويه منقوع فيها مره عشان لا تلتهب عليها وبنفس الوقت انظفها قبل لا تنام او بعد ماتصحى مع الشاور واحركها بشكل دوران عشان تتحرك ما تثبت ..

وبس والله  هذه تجربتي مع بنتي .. 

ايوه صحيح ..الدكتورة قالت ما اركب فيها حلق ذهب الا بعد شهر عشان ماتتحسس اذنها وجلست على الطبي ... 

والحلق النتفه اللي بالصورة اول حلق ذهب تلبسه 

وسلامتكم  

شاركوني تجاربكم بالموضوع ..